خانقاہ ڈوگراں میں سنگدل ماں بچے کو جنم دینے کے بعد مقامی مسیحی قبرستان میں چھوڑ کر غائب ہو گئی۔ جب کہ بچے کو گود لینے کے لئے عوام کی لائن لگ گئی۔

صفدر آباد کے علاقے خانقاہ ڈوگراں میں میاں علی روڑ پر واقع کرسچن قبرستان میں نامعلوم سنگدل ماں نومولود بچہ کو چھوڑ کر فرار ہو گئی۔

راہگیروں کی 15 پر اطلاع دینے سے مقامی پولیس نے بچے کو تحویل میں لے لیا ہے۔ پولیس ذرائع کا کہنا ہے یا کسی نے گناہ کو چھپانے کے لئے یہ حرکت کی یا پھر غربت کی ماری ماں اسے قبرستان میں رکھ کے غائب ہوگئی ہے۔

پولیس کا کہنا ہے بچے کو گود لینے کے لئے لوگوں کی لائن لگی ہوئی ہے، تاہم ابھی تفتیش جاری ہے جلد حقائق سامنے لائیں گے۔