گاؤں گوٹھانو میں مویشی منڈی سے کار چوری کرنے والے ڈاکوؤں اور پولیس کے درمیان مبینہ مقابلے میں دو ڈاکو ہلاک اور دو فرار ہوگئے۔

نواب شاہ کے قریب گاؤں گوٹھانو میں جام صاحب پولیس کی حدود میں کار چوری کی بروقت اطلاع پر ناکہ بندی کرکے تلاشی کے دوران کار روکنے پر ڈاکوؤں نے فائرنگ کردی، پولیس کی جوابی فائرنگ سے دو ڈاکو ہلاک ہوگئے۔

پولیس حکام کے مطابق مارے جانے والے ڈاکوؤں کی شناخت حسن شر اور عمران طور کے نام سے ہوئی ہے، جب کہ ان کے دو دیگر ساتھی فرار ہوگئے ہیں

ایس ایس پی حیدر رضا نے میڈیا کو بتایا کہ کار چھیننے کی بروقت اطلاع پر پولیس نے ناکہ بند ی کی جس پر ملزمان نے فائرنگ کردی، جوابی فائرنگ سے دو ڈاکوؤں ہلاک ہوئے جبکہ ان کے دیگر ساتھیوں کی گرفتاری کے لئے پورے ضلع میں ناکہ بندی کرکے آپریشن شروع کردیا گیا ہے۔