ترجمان دفتر خارجہ ممتاز زہرا بلوچ کا کہنا ہے آنے والے دو ہفتوں میں اہم امریکی عہدیدار پاکستان کا دورہ کریں گے۔

پاکستان اور امریکا کے درمیان مشاورت و روابط میں تیزی آگئی ہے۔ اس حوالے سے ترجمان دفترخارجہ ممتاز زہرا بلوچ کا کہنا ہے کہ پاکستان اور امریکا کے درمیان متعدد معاملات پر مشاورت جاری ہے، مشاورتی عمل کو آگے بڑھانے کے لیے دوروں کا تبادلہ بھی ہوتا ہے۔

ترجمان دفتر خارجہ کا کہنا تھا کہ آئندہ دوہفتوں میں اہم امریکی عہدیدار پاکستان کا دورہ کریں گے، ان میں سے امریکی اسسٹنٹ سکریٹری جولیٹا والس کل دوروزہ دورے پر اسلام آباد پہنچے گی۔

ترجمان کے مطابق خصوصی نمائندہ برائے افغانستان ٹام ویسٹ 7 دسمبر کو پاکستان پہنچیں گے اور 9 دسمبر تک پاکستان کا دورہ کریں گے۔ جب کہ پرنسپل ڈپٹی اسسٹنٹ سیکرٹری الزبتھ ہورسٹ کا پاکستان کا دورہ 9 دسمبر سے 12 دسمبر تک ہوگا۔