نجکاری کمیشن بورڈ نے روز ویلٹ ہوٹل کی نجکاری کے لیے مالیاتی مشیر کی تقرری کی منظوری دے دی۔

نگراں وفاقی وزیر فواد حسن فواد کی صدارت میں نجکاری کمیشن بورڈ کا اجلاس ہوا۔

اجلاس میں روز ویلٹ ہوٹل کی نجکاری اور جوائنٹ وینچر ڈویلپمنٹ کے لیے مالیاتی مشیر کی تقرری کی منظوری دی گئی۔

نجکاری کمیشن بورڈ کے اجلاس میں نندی پور پاور پلانٹ اور گڈو پاور پلانٹ نجکاری فہرست سے ڈی لسٹ کرنے کی سفارش کی گئی ہے، جس کی کابینہ کمیٹی برائے نجکاری ڈی لسٹ کرنے کی منظوری دے گی۔

اجلاس میں پی آئی اے کی نجکاری سے متعلق مالیاتی خدمات کے معاہدے پر عمل درآمد کا جائزہ بھی لیا گیا، معاہدے پر عملدرآمد کی نگرانی کے لیے ایک ٹرانزیکشن کمیٹی کی منظوری دی گئی۔

نجکاری کمیشن بورڈ کے اجلاس میں پاک چائنہ فرٹیلائزر لمیٹڈ کی نجکاری کے بعد کے مسائل پر بھی غور کیا گیا۔

مزید پڑھیں

کابینہ نے روزویلٹ ہوٹل نیو یارک کی عمارت کمرشل استعمال کی منظوری دیدی

نگراں وفاقی وزیر نجکاری فواد حسن فواد اقتصادی رابطہ کمیٹی کے رکن مقرر

پی آئی اے کارپوریشن کی نجکاری کیلئے فنانشل ایڈوائزر کی تعیناتی کی منظوری