امریکا کے سابق وزیر خارجہ اور امن کا نوبیل انعام حاصل کرنے والے سابق سفارتکار ہنری کسنجر100 سال کی عمر میں انتقال کرگئے۔

خبر رساں ادارے روئٹرز نے ان کی جیوپولیٹیکل کنسلٹنگ فرم کا حوالہ دیتے ہوئے بتایا کہ ان کا انتقال بدھ کو ریاست کنیکٹی کٹ میں ان کی رہائش گاہ پر ہوا ہے۔

ہنری کسنجر کو امریکی خارجہ پالیسی کی طاقت کا مرکز تصور کیا جاتا تھا، اس وجہ سے وہ متنازع بھی رہے۔

انہوں نے دو امریکی صدور کے ساتھ کام کیا، جن میں صدر رچرڈ نکسن اور جیرالڈ فورڈ شامل تھے اور امریکی خارجہ پالیسی میں اہم کردار ادا کیا ہے۔

اپنے طویل سفارتی کیرئیر میں ہنری کئی تنازعات کا شکار بھی رہے۔

مئی 1974 میں جب بھارت نے ایٹمی تجربہ کیا تو انہوں نے پاکستان کو جوہری تجربے سے باز رہنے کے لیے دھمکی دی تھی۔

اس وقت کے حکمران ذوالفقار علی بھٹو نے ایٹمی پروگرام سے پیچھے ہٹنے سے انکار کیا تو ہنری کسنجر نے یہ الفاظ کہتے تھے کہ تمہیں ایک خوفناک مثال بنا دیا جائے گا۔

سقوط ڈھاکہ میں بھی ہنری کسنجر کا کردار انتہائی منفی رہا۔

سابق وزیر خارجہ اپنی عمر کے اخری دنوں کافی متحرک رہے، وہ وائٹ ہاؤس میں ہونے والی ملاقاتوں میں شریک ہوتے رہتے تھے۔

ان کی قیادت اور سفارت کاری کے حوالے سے کتابیں بھی لکھیں اور ان میں غیرمعمولی امور پر پر کھل کر بات کی ہے۔

سابق وزیر خارجہ نے شمالی کوریا کی جانب سے لاحق جوہری خطرے کے بارے میں کچھ روز قبل سینیٹ کی کمیٹی کے ارکان کے ساتھ گفتگو کی تھی۔

ہنری کسنجر نے رواں سال جولائی میں انہوں نے چین کا اچانک دورہ کیا تھا اور صدر جن پنگ شی سے ملاقات کی تھی۔