وفاقی حکومت کی جانب سے بجلی کی فی یونٹ قیمت میں مزید اضافہ متوقع ہے۔

ذرائع کے مطابق بجلی فی یونٹ 3 روپے 53 پیسے تک مزید مہنگی ہونے کا امکان ہے، فیول پرائس اور بقایاجات کی مد میں اضافے کی درخواست پر سماعت آج ہوگی۔

نینشل پاور ریگولیٹری اتھارٹی (نیپرا) سی پی پی اے کی درخواست پر سماعت کے بعد حتمی فیصلہ کرے گا۔

ذرائع کے مطابق بجلی کی قیمتوں میں اضافہ اکتوبرکے فیول پرائس ایڈجسٹمنٹ کی مد میں مانگا گیا ہے، ماہ اکتوبر کے لیے پیداواری لاگت کے مطابق ایف سی اے کا اضافہ 36 پیسے ہے۔

یہ بھی پڑھیں:

بجلی صارفین پر 40 ارب روپے کا ایک اور اضافی بوجھ ڈالنے کی تیاریاں

کے الیکٹرک کی 20 سالہ لائسنس توسیع کی درخواست پر فیصلہ محفوظ

اس کے علاوہ درخواست میں 3 روپے 16 پیسے بقایاجات کی مد میں شامل کیے گئے ہیں۔

فیول پرائس کی مد میں بقایاجات مجموعی طور 28 ارب سے زائد ہیں جب کہ ایف سی اے اور بقایاجات کا مجموعی طور پر 40 ارب روپے کا اضافی بوجھ صارفین پر پڑے گا۔