پیپلزپارٹی رہنما فیصل کریم کنڈی کا کہنا ہے کہ پیپلزپارٹی آئندہ الیکشن میں اپنے اتحادیوں کے ساتھ مل کر نمبر گیم پورا کرے گی اور بلاول بھٹو وزیراعظم بنیں گے، نوازشریف ووٹ کو عزت دو کا نعرہ ایون فیلڈ میں چھوڑ آئے ہیں۔

اسلام آباد میں پریس کانفرنس کرتے ہوئے سیکریٹری اطلاعات پیپلزپارٹی فیصل کریم کنڈی کا کہنا تھا کہ پیپلزپارٹی اگلی حکومت بنائےگی، بلاول بھٹو وزیراعظم کے امیدوار ہوں گے، اتحادیوں سے ملکر نمبرگیم پر حکومت بنائیں گے۔

رہنما پی پی پی نے کہا کہ آصف زرداری نے فیڈریشن کی طرف سے بلوچستان سےمعافی مانگی تھی، جب سی پیک کا سنگ بنیاد رکھا گیا تو پی پی نے گوادر پورٹ چائنا کے حوالے کیا، یوسف گیلانی نے کابینہ میٹنگ کال کی اور وہاں پر منظوری دی گئی، سی پیک کا آغاز پیپلزپارٹی کی حکومت میں ہوا۔ پیپلزپارٹی اپنا56واں یوم تاسیس کوئٹہ میں منانےجارہی ہے۔

فیصل کریم کنڈی کا کہنا تھا کہ پیپلزپارٹی ہمیشہ جمہوری اقدار اور روایات کی بات کرتی ہے، 120 سیٹیں جیتنے کا دعویٰ کرنے والے20 سیٹیں بھی نہیں جیت سکتے، ن لیگ والے16ماہ کے بجائےنوازشریف کی گزشتہ حکومت کی بات کرتے ہیں، کون کتنےپانی میں الیکشن میں پتا چل جائےگا،فیصل کریم کنڈی انہوں نے لاڈلہ بننے کی کوشش شروع کردی ہے،۔

انہوں نے کہا کہ پیپلزپارٹی سنجیدہ سیاست پر یقین رکھتی ہے، اور وہ تاثر دے رہے ہیں کہ ادارے ہمارے ساتھ ہیں، ایک اور سلیکشن ہوتی ہے توملک ترقی نہیں کرسکتا، ووٹ کوعزت دو، مجھے کیوں نکالا، کیا یہ بیانیہ ایون فیلڈ میں چھوڑ آئے ہیں، ن لیگ نے ہمیشہ اداروں کو سیاست میں دھکیلا ہے۔

فیصل کریم کنڈی کا کہنا تھا کہ صاف و شفاف الیکشن ملک کی ضرورت ہیں، عوام کو جمہوری حق ہےوہ جس کو بھی مینڈیٹ دے، پہلے بھی ایک سلیکشن اورلاڈلہ ملک کوتباہی تک لےآیاہے، اگر آپ نے زیادتی کرنے والوں کو معاف کردیا تو اچھی بات ہے، میاں صاحب کم ازکم آپ ووٹ کوعزت تو دلائیں، جب چیئرمین پی ٹی آئی کو لایا گیا تو آپ نے کہا تھا دودھ میں پانی ملا دیا، جب آپ کو لایا جائے گا تو اس کا مطلب پانی میں دودھ ملایا جائے گا۔

۔۔