الیکشن کمیشن آف پاکستان نے ارکان پارلیمنٹ و صوبائی اسمبلی کو مالی گوشوارے جمع کرانے سے متعلق یاد دہانی کرا دی۔

الیکشن کمیشن نے ارکان پارلیمنٹ و صوبائی اسمبلی کو یاد دہانی کرواتے ہوئے کہا کہ ارکان پارلیمنٹ و صوبائی اسمبلی اپنے سال 23-2022 کے گوشوارے 31 دسمبر 2023 تک جمع کرائیں۔

الیکشن کمیشن نے مزید کہا کہ ارکان اسمبلی اور پارلیمنٹ 30 جون تک کے اپنے اثاثہ جات اور واجبات کی تفصیلات جمع کرائیں جبکہ اپنے اور زیرکفالت اہلخانہ کی بھی تفصیلات جمع کرائیں۔

الیکشن کمیشن نے واضح کیا کہ گوشوارے جمع نہ کرانے والے ارکان کے خلاف بدعنوانی کی کارروائی عمل میں لائی جائے گی۔