اینٹی کرپشن پنجاب نے تحریک انصاف کے دو سابق ایم این ایز طاہر اقبال چوہدری اور میاں شفیق کے خلاف خورد برد کے الزام میں مقدمہ درج کرلیا ہے۔

پی ٹی آئی کے سابق ایم این ایز اینٹی کرپشن کے ریڈار پر آگئے ہیں، اور ان پر سرکاری اسکیموں میں خوردبرد کے الزام کے تحت مقدمہ بھی درج کرلیا گیا ہے۔

اینٹی کرپشن حکام کے مطابق طاہراقبال چوہدری اور میاں شفیق نے قومی خزانےکو نقصان پہنچایا، طاہر اقبال نے قومی خزانے کو 90 لاکھ روپے کا نقصان پہنچایا۔ دونوں سابق ایم این ایز کے خلاف مقدمہ درج کر لیا گیا ہے۔