پاکستان تحریک انصاف (پی ٹی آئی) کے سابق رکن قومی اسمبلی امجد خان نیازی کو گرفتار کرلیا گیا۔

امجد نیازی میانوالی سے پی ٹی آئی کے رکن قومی اسمبلی منتخب ہوئے تھے۔

پولیس کے مطابق امجد نیازی کے خلاف 9 اور 10 مئی کو گھیراؤ جلاؤ اور توڑ پھوڑ کے دو مقدمات درج ہیں۔

حساس ادارے کے دفتر میں توڑ پھوڑ کرنے اور جہاز کے ماڈل کو جلانے کے مقدمات میں امجد نیازی مطلوب تھے۔

امجد نیازی نے اپنے بیان میں کہا ہے کہ انصاف کے حصول کیلئے سرنڈر کررہا ہوں، میرے خلاف بنائے گئے مقدمات جھوٹے ہیں۔

پولیس کا کہنا ہے کہ امجد نیازی کو کل انسداد دہشت گردی کی خصوصی عدالت میں پیش کیا جائے گا۔

دوسری جانب بورے والا سے پی ٹی آئی کے سابق ٹکٹ ہولڈر بیرسٹر خالد نثار ڈوگر کو بھی پولیس نے گرفتار کرلیا ہے۔

پولیس کے مطابق خالد نثارپر 10 مئی کے احتجاج میں پولیس کے ساتھ تصادم کا مقدمہ درج ہے، جس میں 100 سے زائد پی ٹی آئی کارکن بھی نامزد ہیں۔

پولیس نے بتایاکہ خالد نثار کے خلاف مقدمے میں دہشتگردی اور دیگر دفعات شامل ہیں۔ اور انہیں خفیہ اطلاع پرگرفتار کیا گیا ہے۔