آسٹریلیا نے ورلڈ کپ 2023 کے فائنل میں بھارت کو شکست دے کر عالمی کپ کیا جیتا پاکستانیوں کی خوشی کا ٹھکانا نہ رہا۔

پاکستانی اس لیے خوش نہیں ہیں کہ آسٹریلیا چیمپئین بنا، بلکہ اس لیے خوش ہیں کہ بھارت چیمپئین نہ بن سکا۔

بھارت کی فائنل میں اس ہار نے پاکستانیوں کے ورلڈ کپ سے باہر ہونے کا غم بھلا دیا ہے۔

پاکستان کے منچلوں نے اپنی اس خوشی کا اظہار سوشل میڈیا پر بھی کیا ہے، اور پوری کوشش کی ہے کہ بھارت کو نیچا دکھایا جائے۔

آسٹریلیا کے میچ جیتتے ہی پاکستان میں ”Congratulation India“ ٹرینڈ کرنے لگا۔ اور اس ٹرینڈ کے تحت کئی میمز وائرل ہوئے۔

ایک صارف نے مشہور میم کی زریعے پاکستانیوں کی خوشی ظاہر کرنے کی کوشش کی۔

گووندا اور سلمان خان کی فلم کا مشہور سین پوسٹ کیا جس میں گووندا روتے ہوئے کہتے ہیں کہ ’اتنی خوشی مجھے آج تک نہیں ہوئی‘۔

ایک صارف نے پاکستانی کرکٹ ٹیم کی خوشی بھی دکھانے کی کوشش کی۔

ایک صارف نے میچ کے درمیان ہی اسٹیڈیم سے باہر جاتے بھارتی شائقین کی ویڈیو پوسٹ کرتے ہوئے لکھا ’ پتہ نہیں کیوں یہ اتنی جلدی گراؤنڈ چھوڑ رہے ہیں، لیکن یہ دیکھنا بہت اطمینان بخش ہے’۔

ایک صارف نے شبھمن گل پر تنقید کرتے ہوئے ایک میم شئیر کی۔

خیال رہے کہ آسٹریلیا چھٹی بار آئی سی سی ورلڈکپ کا فاتح بن گیا۔ آسٹریلوی اوپنر ٹریوس ہیڈ نے شاندار سنچری اسکور کرکے ٹیم کی چیت میں مرکزی کردار ادا کیا۔

فائنل میں آسٹریلیا کے بولنگ اٹیک کے سامنے بھارتی سورما 240 رنز پر ڈھیر ہوگئے۔

بھارت کے241 رنز ہدف کے تعاقب میں آسٹریلوی اوپنر ٹریوس ہیڈ نے شاندار سنچری اسکور کرکے ٹیم کی چیت میں مرکزی کردار ادا کیا۔