گزشتہ روز حرکت قلب بند ہونے کے باعث وفات پانے والے سابق سپیکر قومی اسمبلی و وزیر خارجہ گوہر ایوب خان کی نمازہ جنازہ آج ادا کردی گئی ہے، دوسری جانب سابق وفاقی وزیر اور رہنما پاکستان تحریک انصاف (پی ٹی آئی) عمر ایوب خان نے والد کے انتقال پر اپنی روپوشی ختم کردی ہے۔

ایوب خان سابق وفاقی وزیر اور سیکرٹری جنرل پی ٹی آئی عمر ایوب خان کے والد تھے۔

انتقال کے بعد گوہرایوب خان کی میت ریحانہ گاؤں پہنچادی گئی، مرحوم کی نمازجنازہ ہفتہ کو دن 3 بجے ادا کی گئی۔

گوہر ایوب کے بیٹے عمر ایوب بھی ریحانہ گاؤں پہنچ گئے ہیں، وہ 6 ماہ سے روپوش تھے۔

سانحہ 9 مئی کے بعد سیکرٹری جنرل پی ٹی آئی عمر ایوب خان پر متعدد کیسسز بنے جب کہ عدالت انہیں اشتہاری بھی قرار دے چکی ہے۔