بھوک انسان سے ایسے ایسے کام کروا دیتی ہے جو ناقابل بیان ہوتے ہیں اکثر جانور بھی اس وجہ سے مرنے مارنے پر اتر آتے ہیں ۔

حال ہی میں انسٹا گرام پر وائرل ایک آکٹوپس کی ویڈیو میں یہ دیکھا جا سکتا ہے کہ کس طرح ایک جاندار بھوک کی خاطر چالاکی اور دھوکہ دہی کو استعمال کرتا ہے۔

ویڈیو کی کیپشن پر احمد عبداللہ نے لکھا ہے کہ ’مجھے یقین نہیں آ رہا تھا کہ اس نے ایسا کیا۔‘

احمد نے مزید لکھا ہے کہ ’ صرف مٹھی بھر آکٹوپس کی قسموں میں ایسا دیکھا گیا ہے جو کہ جنگلی علاقوں میں پائی جاتی ہیں اور اسے بائی پیڈل حرکت کہا جاتا ہے لیکن اس طرح قید میں دیکھنا نایاب ہے’.

ویڈیو میں دیکھا جاسکتا ہے کہ ایکوریم میں موجود آکٹوپس اپنا شکار ڈھونڈتے ہوئے پہلے کیکڑے کی طرح رینگتا ہوا دیوار کی جانب جانے کی کوشش کرتا ہے۔

پھر اچانک اپنے سارے بازوؤں کو کھول کر اپنی پرانی چال سے اپنے ہدف پرحملہ کردیتا ہے۔

سوشل میڈیا پر وائرل ہونے والی اس ویڈیو کو 41 ہزار سے ذیادہ لوگ اب تک دیکھ چکے ہیں اور صارفین نے اس پر دلچسپ تبصرے بھی کئے ہیں۔

مزید پڑھیں

نایاب ’ڈمبو آکٹوپس‘ کیمرے کی آنکھ میں آگئی

ویڈیو: اپنے دفاع میں ماہر ذہین ترین چھلاوے

آکٹوپس خلائی مخلوق ہے: سائنس دانوں کا دعویٰ ایک صارف نے دلچسپی سے لکھا کہ ’ یہ ٹرانسفوبک ہے- آکٹوپس ایک کیکڑے کے طرح نظر آرہا ہے!’

ایک نے لکھا ہے کہ’شاید میں اس آکٹو پس کو پہچان گیا ہوں۔’

ایک صارف نے ناگواری کا اظہار کیا کہ ’ نیلے رنگ کی دھاری والا آکٹوپس ہےجہنم کی طرح زہریلا. ؟’

احمد عبداللہ کے مطابق ان کے پاس بہت سارے پالتو آکٹوپس موجود ہیں جن کی وہ دیکھ بھال کرتے ہیں۔