پاکستان ڈرامہ انڈسٹری کے معروف اداکار آغا علی نے حنا الطاف سے علیحدگی کی قیاس آرائیوں پر پہلی مرتبہ وضاحت پیش کردی۔

گزشتہ چند ماہ سے آغا علی اور حنا الطاف کے درمیان علیحدگی کی افواہیں سرگرم تھیں، دونوں کی جانب سے اس معاملے پر خاموشی نے سوشل میڈیا صارفین کو بے چین کردیا تھا۔

تاہم حال ہی میں آغا علی نے اپنے سوشل میڈیا اکاؤنٹ انسٹاگرام پوسٹ پر چند تصاویر شئیر کی تھیں، جس پر ان کے مداح نے ان سے اس حوالے سے سوال کیا۔

مداح نے اداکار سے ان افواہوں سے متعلق سوال کرتے ہوئے کہا کہ ’’آغا میں آپ کا بہت بڑا فین تھا اور مجھے سمجھ میں نہیں آتا کہ لوگ آپ کو ریڈ فلیگ کیوں کہتے ہیں، وضاحت پیش کردیں‘۔

مزید پڑھیں:

آغا علی نے حنا الطاف کے ساتھ تمام تصاویر ڈیلیٹ کردیں

حنا الطاف اور آغا علی کی علیحدگی کی افواہیں ایک بار پھر سرگرم

’بابر بھائی ہیں برو‘، ہانیہ عامر کی دلچسپ تردید

مداح کے اس تبصرے کے جواب میں اداکار نے کہا کہ ’کون لوگ؟ وہ لوگ جو یہ بھی نہیں جانتے کہ میں کون ہوں یا میں کیا ہوں؟ لوگ ہمیشہ آپ کو نیچے لانے کی کوشش کریں گے‘۔

اداکار نے مداح کو مشورہ دیتے ہوئے مزید کہا کہ ’دنیا عدم تحفظ، حسد سے بھری ہوئی ہے اور یہ افسوسناک ہے لیکن سچ ہے۔ میں ایسے لوگوں پر توجہ نہیں دیتا اور نہ ہی آپ کو توجہ دینی چاہیے۔ ہمیشہ خود پر اعتماد کریں اور اپنے تجربات پر یقین رکھیں‘۔

اس سے قبل گزشتہ سال بھی ان کے درمیان علیحدگی کی افواہیں گردش کر رہی تھیں، جس کی آغا علی اور حنا الطاف دونوں نے سختی سے تردید کی تھی۔

یہ قیاس آرائیاں آغا علی کے ایک پوسٹ سے زور پکڑنے لگ گئی تھیں، جب انہوں نے انسٹاگرام پر اپنی ایک تصویر شئیر کرتے ہوئے لکھا تھا کہ ’الجھن کی حالت میں مجھے تعجب ہوتا ہے کہ چیزیں ٹھیک کیوں نہیں ہیں‘۔

اس پوسٹ کے کچھ ہی دنوں بعد دونوں اداکاروں نے ایک دوسرے کو انسٹاگرام سے اَن فالو کردیا تھا، جس نے صارفین کو تشویش میں مبتلا کردیا تھا۔

لیکن سوشل میڈیا صارفین کو دھچکا اُس وقت لگا جب اداکارہ نے اپنے سوشل میڈیا اکاؤنٹ انسٹاگرام سے اپنا نام ’حنا آغا‘ سے تبدیل کرکے ’حنا الطاف‘ کیا۔

تاہم حال ہی میں ایک بار پھر ایسی قیاس آرائیوں کو مزید تقویت ملی جب آغا علی نے اپنے انسٹاگرام سے اہلیہ حنا الطاف کے ہمراہ لی گئی تمام تصاویر حذف کردیں۔

2020 میں رشتہ ازدواج میں منسلک ہونے والے اس جوڑے نے انتہائی سادگی سے شادی کی تھی، جس کو ان کے مداحوں نے خوب سراہا تھا۔