چینی ای کامرس کمپنی ”علی بابا گروپ“ نے مصنوعی ذہانت کی ایپلی کیشنز میں استعمال ہونے والی چپس پر امریکی برآمدی پابندیوں کی وجہ سے پیدا ہونے والی غیر یقینی صورتحال کا حوالہ دیتے ہوئے اپنا کلاؤڈ بزنس ختم کرنے کے ارادے کا اظہار کیا ہے۔

مصنوعی ذہانت (AI) میں استعمال ہونے والی مزید چپس کی چین کو برآمد پر پابندی کے امریکی فیصلے نے ملک کی بڑی ٹیک کمپنیوں کے لیے غیر یقینی صورتحال پیدا کر دی ہے۔

چینی کمپنی ”ٹینسینٹ ہولنگز“ نے بھی بدھ کو کہا کہ یہ امریکی پابندیاں اس کی کلاؤڈ سروسز کو متاثر کر رہی ہیں۔

چینی ای کامرس گروپ علی بابا نے مارچ میں اپنی 24 سالہ تاریخ کی سب سے بڑی تنظیم نو کے حصے کے طور پر کلاؤڈ بزنس تیار کرنے کے منصوبوں کی نقاب کشائی کی تھی۔

کمپنی نے اپنے فریشیپو گروسری کے کاروبار کی ابتدائی عوامی پیشکش کے منصوبوں کو بھی روک دیا ہے، لیکن کہا ہے کہ وہ اپنے بین الاقوامی ڈیجیٹل کامرس گروپ ونگ کے لیے بیرونی فنڈ ریزنگ تیار کرے گی۔

تجزیہ کاروں نے مارچ میں اندازہ لگایا تھا کہ کلاؤڈ ڈویژن کی مالیت 41 سے 60 بلین ڈالر کے درمیان ہو سکتی ہے۔

ستمبر میں، علی بابا کے سابق گروپ سی ای او ڈینیئل ژانگ نے کلاؤڈ کمپیوٹنگ پر اپنی توجہ مرکوز کرنے کے صرف دو ماہ بعد اچانک استعفیٰ دے دیا تھا۔.

اس کے بعد کمپنی نے علی بابا گروپ کے شریک بانیوں میں سے ایک اور سابق چیف جیک ما کے دیرینہ لیفٹیننٹ ایڈی وو کو علی بابا اور کلاؤڈ بزنس دونوں کے سی ای او کے طور پر مقرر کیا۔

تسائی نے کمائی کے بعد کی کال پر تجزیہ کاروں کو بتایا کہ ’علی بابا جدید کمپیوٹنگ چپس پر حالیہ امریکی برآمدی پابندیوں کی وجہ سے پیدا ہونے والی غیر یقینی صورتحال کی روشنی میں کلاؤڈ انٹیلی جنس گروپ کے مکمل اسپن آف کی جانب نہیں جائے گا۔ اس کے بجائے، ہم نیٹ ورک اور انتہائی سکیلڈ کلاؤڈ کمپیوٹنگ سروسز کے لیے ابھرتی ہوئی اے آئی پر مبنی ڈیمانڈ کی بنیاد پر ایک پائیدار نمو ماڈل تیار کرنے پر توجہ مرکوز کریں گے۔‘

ریگولیٹری فائلنگز نے جمعرات کو یہ بھی انکشاف کیا کہ جیک ما کا خاندانی ٹرسٹ تقریباً 871 ملین ڈالر میں علی بابا گروپ ہولڈنگز کے 10 ملین امریکن ڈپازٹری شیئرز فروخت کرنے کا ارادہ رکھتا ہے۔