نگراں وزیراعظم انوارالحق کاکڑ کا کہنا ہے کہ محصولات کی وصولی ملکی معیشت میں ریڑھ کی حیثیت رکھتی ہے، ٹیکس نظام میں بہتری کے لیے جدید ترین ٹیکنالوجی کا استعمال نا گزیر ہے، اسمگلنگ کے کنٹرول کیلئے کافی اہم اقدامات اٹھائے گئے۔

اسلام آباد میں نگراں وزیراعظم انوارالحق کاکڑ کی زیرصدارت فیڈرل بورڈ آف ریونیو (ایف بی آر) کی کارکردگی بہتر بنانے سے متعلق اجلاس ہوا۔

اجلاس میں نگراں وزیراعظم کو ٹیکس نیٹ وسیع کرنے اور ٹیکس سسٹم کو ڈیجیٹائز کرنے کے حوالے سے بریفینگ دی گئی جبکہ ایف بی آر کی ری اسٹرکچر نگ کے حوالے سے مختلف تجاویز بھی زیر غور آئیں۔

اس موقع پر نگراں وزیراعظم انوارالحق کاکڑ کا کہنا تھا کہ محصولات کی وصولی ملک کی معیشت میں ریڑھ کی ہڈی کی حیثیت رکھتی ہے، ٹیکس نظام میں بہتری کے لیے جدید ترین ٹیکنالوجی کا استعمال نا گزیر ہے۔

انوار الحق کاکڑ نے مزید کہا کہ اسمگلنگ کے کنٹرول کے لیے پچھلے دنوں کافی اہم اقدامات اٹھائے گئے ہیں لیکن اس حوالے سے مزید تندہی سے کام کرنا ہوگا۔

نگراں وزیراعظم نے ایف بی آرکی کارکردگی بہتر بنانے کے حوالے سے تمام اسٹیک ہولڈرز سے مشاورت کرنے کی ہدایت کردی اور کہا کہ جامع لائحہ عمل پیش کیا جائے جس میں تمام متعلقہ اداروں کی تجاویز بھی شامل کی جائیں۔

مزید پڑھیں

ایف بی آر نے رواں مالی سال کے ٹیکس اقدامات پر آئی ایم ایف کو پلان پیش کر دیا

’پاکستان 1967 کی سرحدوں کے مطابق ریاست فلسطین کے قیام کا حامی ہے‘، عرب واسلامی ممالک کے اجلاس میں نگراں وزیراعظم کا خطاب

آئی ایس آئی سربراہ کی ملازمت میں توسیع- پالیسی میں ’تسلسل‘ ضروری ہے: نگراں وزیراعظم

اجلاس میں وفاقی وزیرخزانہ ڈاکٹرشمشاد اختر،، مشیراحد چیمہ،چیئرمین ایف بی آر،وفاقی سیکرٹری خزانہ اوردیگر متعلقہ افسران نے شرکت کی۔