تُرکی مقبول ترین سیاحتی ملک بننے کی فہرست میں فرانس کو پیچھے چھوڑنے کے لیے تیار ہے۔

غیرملکی میڈیا کے مطابق فرانس، اسپین کے بعد چھٹیاں گزارنے کے لیے دوسری مقبول ترین منزل ترکی بننے لگا کیونکہ اس کی سرحدیں یورپ اور ایشیا تک پھیلی ہوئی ہیں۔

کورونا سے پہلے کے مقابلے میں سیاحوں میں غیرمعمولی 70 فیصد اضافہ دیکھا ہے، جبکہ 2022 میں 44.6 ملین سیاحوں نے ترکی کا دورہ کیا۔

سیاحتی اداروں ڈبلیو ٹی ایم اور ٹورازم اکنامکس کے اعداد و شمار کے مطابق مذکورہ تعداد 2023 میں 50 ملین سیاحوں تک پہنچنے والی ہے، ترکی اپنی خوبصورتی کی وجہ سے مشہور ہے۔

اس کے علاوہ 2022 میں ترکی نے 12 لاکھ علاج کے لئے آنے والے سیاحوں کا خیرمقدم کیا اور 2023 کی پہلی ششماہی میں سات لاکھ 46 ہزار290 پہلے ہی وہاں پہنچ چکے ہیں۔

ہیئر ٹرانسپلانٹیشن اور کاسمیٹک دندان سازی میں علاج کے حوالے سے ترکی سرفہرست ہے، اس کے بعد لیزر سے آنکھ کی اصلاح اور وزن کم کرنے کی سرجری بھی شامل ہے۔

ترک ڈینٹل ایسوسی ایشن کے مطابق ہرسال 250,000 تک غیرملکی مریض کاسمیٹک دندان سازی کے لیے ترکی آتے ہیں۔

استنبول میں صرف اگست میں17 لاکھ سے ذائد سیاحوں کی آمد ہوئی، جو ہیئر ٹرانسپلانٹیشن کے خواہاں مردوں کے لیے خاص طور پر مقبول ہے۔

برٹش ٹریول ایجنٹوں کی ایسوسی ایشن کے مطابق ترکی برطانوی سیاحوں میں تیزی سے مقبول ہوتا جا رہا ہے اور اب یہ آٹھویں سب سے زیادہ دیکھی جانے والی منزل ہے۔

دفتر خارجہ کا کہنا ہے کہ ’25 سے زائد برطانوی شہری جنوری 2019 سے ترکی علاج کی غرض سے گئے تھے، جن کی موت ہوچکی ہے۔