پاکستان اسٹاک ایکسچینج (پی ایس ایکس) 100 انڈیکس پہلی بار ملکی تاریخ کی بلند ترین سطح پر جا پہنچا جس کے کچھ گھنٹوں بعد مندی کے باعث پھر نیچے آگیا ہے۔

کاروبار دن میں یہ پہلا موقع تھا جب 100 انڈیکس نے 54 ہزار کی حد بحال کی جب کہ گزشتہ روز کاروبار کے ہی دوران یہ 53 ہزار 950 کے قریب سے چھو کر واپس نیچے آگیا تھا۔

رواں ہفتے کے دوسرے روز کاروبار کے دوران اسٹاک مارکیٹ میں زبردست تیزی کا رجحان دیکھا گیا، 100 انڈیکس 413 پوائنٹس بڑھ کر 54 ہزار 273 پر پہنچ گیا تھا۔

تاہم، سرمایہ کاروں کی جانب سے شیئرز فروخت کرنے کی صورت میں 100 انڈیکس کل کی سطح سے 124 پوائنٹس کمی کے بعد کاروبار کے اختتام پر 53 ہزار 735 پر بند ہوا ہے۔

یہ بھی پڑھیں:

اسٹاک مارکیٹ میں 53 ہزار کی حد بحال، 100 انڈیکس تاریخ کی بلند ترین سطح پر پہنچ گیا

انٹر بینک میں میں ڈالر کی قیمت مزید بڑھ گئی

واضح رہے کہ گزشتہ روز پی ایس ایکس 100 انڈیکس 737 پوائنٹس اضافے سے 53860 پوائنٹس پر بند ہوا، یہ کاروبار کے اختتام پر بلند ترین سطح رہی۔

کل 54 کروڑ 64 لاکھ شیئرز کے سودے ہوئے تھے جن کی مالیت 17 ارب 90 کروڑ روپے سے تھی۔