غیرملکیوں کی ملک بدری سے پاکستان میں موجود 14 لاکھ افغان متاثر ہوں گے۔

اقوام متحدہ کے انسانی حقوق کے ہائی کمشنر کے مطابق غیر دستاویزی افغانوں میں 6 لاکھ افغان وہ ہیں، جو طالبان کے اقتدار سنبھالنے کے بعد پاکستان آئے ہیں۔

اقوام متحدہ کی ترجمان روینہ شمد سانی نے کہا کہ ملک بدری سے افغان صحافی، انسانی حقوق کے محافظ، سابق سرکاری اہلکار اور سیکیورٹی فورس کے ارکان سمیت خواتین کو خطرات لاحق ہیں۔

واضح رہے کہ غیر قانونی تارکین وطن کی واپسی کیلئے دی گئی ڈیڈ لائن ختم ہونے کے بعدغیر ملکیوں کے خلاف آپریشن شروع کردیا گیا ہے۔