شاہ رخ خان کی نئی فلم ”ڈنکی“ کا ٹیزر ”ٹائیگر 3“ کی اسکریننگ کے دورانھ (دنیا بھر کے) سینما گھروں میں پیش کیا جائے گا۔

شاہ رخ خان کے مداحوں کو شدت سے اپنے من پسند اداکار کی فلم ”ڈنکی“ کا انتظار ہے۔

فلم ساز نے 2 نومبر کو شاہ رخ خان کی سالگرہ کے موقع پر ٹیزر جاری کرنے کی منصوبہ بندی کی ہے۔

پنک ولا کی ایک رپورٹ کے مطابق شاہ رخ خان اور راج کمار ہیرانی نے 58ویں سالگرہ کے موقع پر ٹیزر جاری کرنے کا فیصلہ کیا ہے۔

فلم کا ٹیزر 2 نومبر 2023 کو ڈیجیٹل دنیا میں آئے گا، یہی نہیں بلکہ شاہ رخ خان ممبئی میں اپنے مداحوں کے لئے سالگرہ کی تقریب کی میزبانی بھی کریں گے اور اپنے خاص دن پر اپنے تمام مداحوں کے ساتھ فلم کاٹیزر بھی دیکھیں گے۔

##مزید پڑھیں

شاہ رخ خان دنیا کے سب سے زیادہ کماؤ اداکاروں میں اولین نمبروں پر

شاہ رُخ خان نے بیمارخاتون مداح سے ملاقات کیلئے منفرد شرط رکھ دی

شاہ رخ خان نے سعودی عرب میں نئی فلم کی شوٹنگ مکمل کرلی

’ڈنکی‘ میں شاہ رخ خان کا ایک مختلف روپ نظر آئے گا۔ یہ فلم راج کمار ہیرانی کے ساتھ شاہ رخ خان کی پہلی فلم ہے۔

اس فلم کو ریڈ چلیز انٹرٹینمنٹ، راج کمار ہیرانی فلمز اور جیو اسٹوڈیوز کی حمایت حاصل ہے۔ ڈنکی 21 دسمبر کو سینما گھروں کی زینت بنے گی۔ وکی کوشل اور تاپسی پنو بھی اس فلم کا حصہ ہیں۔