کراچی میں نگلیریا ایک اور زندگی نگل گیا، نارتھ کراچی میں بائیس سالہ طالب علم محمد ارسل بیگ نگلیریا سے جاں بحق ہوگیا۔

محکمہ صحت کے مطابق محمد ارسل کو 27 اکتوبر کو نجی اسپتال میں لایا گیا تھا، پی سی آر ٹیسٹ میں نگلیریا پازیٹو آیا تھا۔

ہیلتھ ڈپارٹمنٹ کے مطابق اہل خانہ کے اسرار پر علاقے سے پانی کے نمونوں کے حصول کے لیے ٹاؤن سرویلنس کوآرڈینیٹر کو مطلع کردیا گیا ہے۔

ماہرین نے نگلیریا سے بچاؤ کیلئے پانی میں کلورین کی مناسب مقدار لازمی شامل کرنے کی تجویز دی ہے، کراچی میں رواں سال نگلیریا سے اموات کی تعداد دس ہوگئی ہے۔

محکمہ صحت نے عوام سے نگلیریا سے بچاؤ کی احتیاطی تدابیر اختیار کرنے کی اپیل کی ہے۔