بلوچستان کے کے علاقے کھورو میں سکیورٹی فورسز اور دہشت گردوں مین فائرنگ کا تبادلہ ہوا جس دوران دو جوان شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق بلوچستان کے ضلع آواران کے علاقے کھورو سکیورٹی فورسز نے موثر انداز میں دہشت گردوں کے ٹھکانے کا پتہ لگاتے ہوئے نشانہ بنایا۔

آئی ایس پی آر کے مطابق فورسز نے اس کارروائی میں دو دہشت گردوں کو ہلاک کردیا جب کہ آپریشن میں دو دہشت گرد زخمی بھی ہوئے۔

انٹر سروسز پبلک ریلیشنز کے مطابق شدید فائرنگ کے تبادلے کے دوران نائب صوبیدار آصف عرفان اور سپاہی عرفان علی نے بہادری سے لڑتے ہوئے شہید ہوگئے۔

آئی ایس پی آر کا کہنا ہے کہ 37 سالہ نائب صوبیدار آصف کا تعلق اوکاڑہ سے تھا جب کہ 22 سالہ سپاہی عرفان علی سرگودھا کا رہنے والا تھا۔

پاک فوج کے شعبہ تعلقات عامہ کے مطابق علاقے میں ممکنہ دہشت گردوں کو ختم کرنے کے لئے سرچ آپریشن کیا گیا، فورسز دہشت گردی کی لعنت کے خاتمے کے لئے پرعزم ہیں۔