یوٹیلیٹی اسٹورزکارپوریشن نے چینی کی قیمت میں فی کلو 8 روپے کا اضافہ کردیا ہے اور کہا ہے کہ نئی قیمت میں اطلاق فوری ہوگا۔

ملک بھر کے یوٹیلیٹی اسٹورز پر چینی کے نرخ بڑھا دیئے گئے ہیں اور اس حوالے سے یوٹیلیٹی اسٹورزکارپوریشن نے باضابطہ نوٹیفکیشن بھی جاری کردیا ہے۔

یوٹیلیٹی اسٹورزحکام کے مطابق چینی کی قیمت میں 8 روپے فی کلواضافہ کردیا گیا ہے، جس کے بعد چینی کی نئی قیمت 155روپے فی کلو کر دی گئی۔

یوٹیلیٹی اسٹورزکارپوریشن کا کہنا ہے کہ چینی کی قیمتوں میں اضافے کا اطلاق فوری طور پر ہو گا۔