سان فرانسسکو جانے والی الاسکا ائرلائنز کی پرواز کو کاک پٹ کے اندر موجود آف ڈیوٹی پائلٹ کی جانب سے طیارے کے انجنوں کو مبینہ طور پرغیر فعال کرنے کی کوشش پر پورٹ لینڈ، اوریگون کی طرف موڑ دیا گیا۔

فیڈرل ایوی ایشن ایڈمنسٹریشن (ایف اے اے) کی جانب سے جاری بیان میں کہا گیا ہے کہ الاسکا ائر لائنز کی پرواز نمبر 2059 کو واشنگٹن کے شہر ایورٹ سے موڑا گیا۔

ایف اے اے نے ائر لائنز کو ایک نوٹس میں بتایا کہ کیس کے مرکز میں موجود شخص نے آگ کو دبانے کا نظام نصب کرکے ایمبریئر 175 ریجنل جیٹ کے انجنوں کو غیر فعال کرنے کی کوشش کی۔ بیان میں مزید کہا گیا ہے کہ عملہ اس شخص کو قابو کرنے اور اسے فلائٹ ڈیک سے ہٹانے میں کامیاب رہا۔

ائیو اے ٹی سی کی جانب سے پوسٹ کی گئی آڈیو کے مطابق پائلٹ نے ایف اے اے ایئر ٹریفک کنٹرول کو بتایا کہ، ’ہمیں وہ شخص مل گیا ہے جس نے کاک پٹ سے انجن بند کرنے کی کوشش کی تھی۔‘ ایسا نہیں لگتا کہ وہ پیچھے سے کوئی مسئلہ پیدا کررہا ہے. مجھے لگتا ہے کہ وہ محکوم ہے۔

پائلٹ کا کہنا تھا کہ، ’ہم چاہتے ہیں کہ جیسے ہی ہم زمین پر اتریں ، قانون نافذ کیا جائے‘۔

سیئٹل ٹائمز، جو ہورائزن کے علاقے کا احاطہ کرتا ہے، نے سب سے پہلے یہ اطلاع دی تھی کہ مذکورہ مسافر الاسکا ائر لائنز کا آف ڈیوٹی پائلٹ تھا۔

مولتنوما کاؤنٹی شیرف کے دفتر سے جاری بیان میں کہا گیا ہے کہ ایک 44 سالہ شخص کے خلاف اقدام قتل اور ہوائی جہاز کو خطرے میں ڈالنے کے 83 الزامات کے تحت مقدمہ درج کیا گیا ہے۔

بعد ازاں سی این این سمیت دیگر خبروں میں گرفتار شخص کی شناخت جوزف ایمرسن کے طور پر کی گئی۔

ایف اے اے نے پیر کے روز ایک علیحدہ نوٹس میں ائرلائنز کو بتایا کہ، ’معاملہ موجودہ عالمی واقعات سے کسی بھی طرح منسلک نہیں ہے‘ لیکن نگرانی برقرار رکھنا اچھا عمل ہے۔

الاسکا ائر لائنز کی جانب سے جاری بیان میں کہا گیا ہے کہ کپتان اور فرسٹ آفیسر نے ہنگامی صورتحال پر فوری ردعمل کا اظہار کرتے ہوئے کہا کہ انجن کی طاقت ختم نہیں ہوئی اور عملے نے بغیر کسی حادثے کے طیارے پر دوبارہ قابو پا لیا۔