نگراں وزیراعلیٰ سندھ مقبول باقر نے 385 نابالغ قیدیوں کو قانونی مدد دینے کا فیصلہ کرلیا ہے۔

مقبول باقر نے 385 نابالغ قیدیوں کی لیگل ایڈ کے لئے محکمہ قانون کو ہدایت کردی ہے، نابالغ قیدی کراچی، حیدرآباد اور سکھر جیلوں میں قید ہیں۔

وزیراعلیٰ نے کہا کہ نابالغ قیدیوں کے مقدمات چلانے کیلئے محکمہ قانون مدد کرے، بچوں کو بہترین انسان بنانے کیلئے بھی اقدامات کرنے ہیں، محکمہ قانون ان قیدیوں کی بھرپور قانونی مدد کرے۔