وفاقی تحقیقاتی ادارے (ایف آئی اے) کمرشل بینکنگ سرکل نے بلیو ایریا اسلام آباد میں کارروائی کرتے ہوئے حوالہ ہنڈی گینگ کے 2 ملزمان گرفتار کرکے کروڑوں روپے مالیت کی غیر ملکی کرنسی برآمد کرلی۔

ایف آئی اے ترجمان کے مطابق گرفتار ملزمان میں محمد مدثر اور ابراہیم شامل ہیں۔

ترجمان ایف آئی اے نے مزید بتایا کہ ملزمان کا تعلق خیبرپختونخوا سے ہے۔

ملزمان سے17 ہزار امریکی ڈالر، 7 ہزار برطانوی پاونڈ، 30 ہزار یو اے ای درہم، 28 ہزار سعودی ریال، 2 ہزار قطری ریال برآمد کیے گئے۔