بجلی صارفین کیلئے بجلی 55 پیسے فی یونٹ تک مزید مہنگی ہونے کا امکان ہے، ماہانہ فیول پرائس ایڈجسٹمنٹ کی مد میں اضافے کی درخواست نیپرا میں دائرکردی گئی۔

سینٹرل پاورپرچیزنگ ایجنسی کی درخواست پر نیپرا اتھارٹی یکم نومبر کو سماعت کرے گی.

سرکاری ڈسکوزکیلئے اضافے کی درخواست سی پی پی اے نے دائر کی جس کی منظوری کی صورت میں صارفین پر ایک ماہ کیلئے 8ارب 37 کروڑ کا اضافی بوجھ پڑے گا۔

درخواست میں کہا گیا ہے کہ ماہ ستمبر میں 12 ارب 92 کروڑ یونٹ بجلی کی فروخت ہوئی جبکہ ہائیڈل سے بجلی کی پیداوار 37.55 فیصد رہی۔

درخواست کے مطابق ستمبر میں آر ایل این جی سے بجلی کی پیداوار 15.95 فیصد ہوئی۔ اسی ماہ میں فرنس آئل سے بجلی کی پیداوار 1.80 فیصد رہی۔