اٹلی کی سیاسی رہنما ، ماہر قانون اور روم کی سابق میئر ورجینیا راگی نے کہا ہے کہ جیل میں قید وکی لیکس کے بانی جولین اسانج اگلے سال کے اوائل تک روم کے اعزازی شہری بن جائیں گے۔

52 سالہ اسانج 2019 سے لندن کی انتہائی سکیورٹی والی بیلمارش جیل میں قید ہیں اور سنہ 2010 میں خفیہ امریکی فوجی ریکارڈ اور سفارتی کیبلز کے اجرا کے معاملے میں امریکہ میں مطلوب ہیں۔

ان کے حامی ان کے مقدمے کو صحافت اور اظہار رائے کی آزادی پر سیاسی حملے کے طور پر دیکھتے ہیں۔

واشنگٹن کا کہنا ہے کہ خفیہ دستاویزات کے اجراء نے زندگیوں کو خطرے میں ڈال دیا ہے۔

انہیں ایٹرنل سٹی کا شہری بنانے کی تحریک کی قیادت بائیں بازو کی جانب جھکاؤ رکھنے والی فائیو اسٹار موومنٹ سے تعلق رکھنے والی ورجینیا راگی نے کی تھی۔

2016 سے 2021 کے درمیان روم کے سٹی ہال کو چلانے والی ورجینیا راگی نے رائٹرز کو بتایا، “اسانج آزادی اظہار کی علامت ہیں جو کسی بھی حقیقی جمہوریت کے لیے ضروری ہے۔

انہوں نے کہا، “ایک صحافی کے طور پر کام کرنے کی وجہ سے انہیں برسوں سے، خوفناک حالات میں اپنی آزادی سے محروم رکھا گیا ہے۔