آزاد کشمیر کے ضلع کوٹلی کے رہائشی 31 سالہ سپاہی ساجد اعظم شہید کی نماز جنازہ آبائی قصبہ نکیال میں ادا کی گئی۔

جنوبی وزیرستان کے علاقے عثمان منزہ میں سکیورٹی فورسز نے دہشت گردوں کے ٹھکانوں کو نشانہ بنایا تھا، اس آپریشن میں سپاہی ساجد اعظم نے جام شہادت نوش کیا تھا۔

آئی ایس پی آر کے مطابق شہید کو پورے فوجی اعزاز کے ساتھ سپرد خاک کر دیا گیا۔

مزید پڑھیں: شمالی وزیرستان میں شہید سپاہی وارث خان مکمل فوجی اعزاز کے ساتھ سپرد خاک

نماز جنازہ میں سینئر حاضر سروس فوجی افسران، عزیز و اقارب اور اہل علاقہ نے شرکت کی۔

آئی ایس پی آر کا کہنا ہے کہ پاکستان کی مسلح افواج مادر وطن سے دہشت گردی کی لعنت کو ہر قیمت پر ختم کرنے کے لیے پرعزم ہیں۔