کوبراسانپ خاصا خطرناک سمجھا جاتا ہے لیکن بھارت میں ایک شخص کی اسے نہلانے کی وائرل ویڈیو نے صارفین کے ذہنوں میں کئی سوالات کھڑے کردیے۔

سوشل میڈیا پلیٹ فارم ایکس پرانڈین فاریسٹ سروس کے افسر سوسنتا نندا نے ایک ویڈیو پوسٹ کی ہے، جس میں ایک شخص بڑی بے خوفی کے ساتھ سانپ کو نہلا رہا ہے۔

فوٹیج میں دیکھا جاسکتا ہے کہ مذکورہ شخص اپنے باتھ روم میں سانپ کو نہلارہا ہے اورسانپ کی جانب سے کوئی ردعمل ظاہرنہیں کیا جارہا۔

کیپشن میں لکھا ہے، ’کنگ کوبرا کو غسل دینا ان کی جلد بہتر کرتا ہے تاکہ وہ محفوظ رہ سکیں‘۔

افسر کے مطابق سانپ کو نہلانا آگ سے کھیلنے کے مترادف ہے تو ایسا کرنے کی کیا ضرورت ہے۔

مختصر کلپ میں دکھایا گیا ہے کہ وکوبرا کے اوپر پانی ڈالتے ہوئے اسے نہلانے والا سانپ کے سر کو بھی پکڑ لیتا ہے۔