وفاقی بیوروکریسی میں تقرر و تبادلے کردیے گئے، ایڈمنسٹریٹو سروس گریڈ 22 کے جواد رفیق ملک سیکرٹری وزارت امور کشمیر تعینات کردیے گئے۔

اسٹیبلشمنٹ ڈویژن نے وفاقی بیور و کریسی میں تقرر و تبادلوں کا باضابطہ نوٹیفکیشن جاری کردیا۔

سیکرٹری وزارت امور کشمیر تعینات کیے گئے جواد رفیق ملک اس سے قبل اسٹیبلشمنٹ ڈویژن میں او ایس ڈی تھے۔

ایڈمنسٹریٹو سروس گریڈ 20 کے عدنان ارشد جوائنٹ سیکرٹری وزارت داخلہ تعینات کیے گئے۔ عدنان ارشد اس سے قبل جوائنٹ سیکرٹری اسٹیبلشمنٹ ڈویژن تعینات تھے۔

ایڈمنسٹریٹو سروس گریڈ 19 کی نائلہ باقر کا بطور جوائنٹ سیکرٹری تعیناتی کا نوٹیفکیشن روک دیا گیا۔ نائلہ باقر اسٹیبلشمنٹ ڈویژن میں سیکشن 10 کے تحت جوائنٹ سیکرٹری تعینات تھیں۔

گریڈ 18 کی رابعہ اورنگزیب کی خدمات اسٹیبلشمنٹ ڈویژن سے اسلام آباد انتظامیہ کے سپرد کردی گئیں۔