سعودی ولی عہد شہزادہ محمد بن سلمان نے امریکی وزیر خارجہ کو مدد مانگنے پر کرارا جواب دے دیا۔

محمد بن سلمان کی امریکی وزیر خارجہ سے ریاض میں ملاقات ہوئی، انٹونی بلنکن نے سعودی عرب سے حمایت طلب کرنے کی کوشش کی، انہیں کرارا جواب مل گیا۔

شہزادہ محمد بن سلمان نے کہا کہ ہم خطے میں کشیدگی کم کرنے کے خواہشمند ہیں، ہم چاہتے ہیں اسرائیل غزہ کا محاصرہ ختم کرے، فلسطینیوں کو ان کے حقوق ملنے چاہئیں۔

ملاقات میں غزہ کی تازہ ترین صورت حال پر تبادلہ خیال کیا گیا، سعودی وزیر خارجہ کا غزہ میں فوری جنگ بندی کا مطالبہ کیا، جس پر انٹونی بلنکن نے کہا کہ غزہ میں صورتحال کی بہتری کیلئے مل کر کام کررہے ہیں۔

ملاقات کے بعد امریکی وزارت خارجہ کے ترجمان میتھیو ملر نے کہا کہ سیکریٹری خارجہ نے شہزادہ محمد بن سلمان کو یرغمالیوں کو آزاد کرانے کی امریکی ترجیح سے آگاہ کیا، بلنکن نے بتایا کہ امریکا تنازعے کو پھیلنے سے روکنا چاہتا ہے۔