پاکستان اور بھارت کے درمیان آج ہونے والے اہم ورلڈ کپ ٹاکرے کے لیے جہان شائقین پرجوش ہیں وہیں شوبز شخصیات بھی کسی سے پیچھے نہیں، گلوکارجواد احمد نے اس میچ سے قبل اپنا ترانہ جاری کیا ہے۔

جواد احمد نے سب سے پہلے اپنے گانے ’اللہ میرے دل کے اندر، میں مومن حق قلندر‘ سے شہرت حاصل کی تھی جو ان کی صوفی ازم سے محبت کا عکاس تھا۔

پاک بھارت ٹاکرے کے حوالے سے ترانہ ’ رکھو جیت کی لگن’ جاری کرنے والے جواد احمد نے ویڈیو اپنےایکس اکاؤنٹ پر شیئر کی ہے۔

ورلڈ کپ ترانے کے اس ترانے کو دلنواز علی نے ڈائریکٹ کیا ہے جبکہ موسیقی مشہورمیوزیشن ساحر علی بگا نے ترتیب دیا ہے۔

اس ترانے کے ذریعے جواد احمد نے ہر پاکستانی کے دل کی ترجمانی کرتے ہوئے نیک خواہشات اور دعاؤں کے علاوہ کھلاڑیوں کو ہمت اورعزم کے ساتھ کھیلنے کا جوش دیا ہے۔

مزید پڑھیں:

انوشکا شرما پاک بھارت ٹاکرا دیکھنے احمد آباد پہنچ گئیں

پاک بھارت میچ میں کس کا پلڑا بھاری رہے گا؟ اچھی خبرآگئی

پاک بھارت ہائی وولٹیج ٹاکرے کےلیے ٹیمیں اسٹیڈیم پہنچ گئیں، بارش کے خدشات دور

جواد احمد کے اس ترانے کو اب تک 3 ہزار سے زائد صارفین دیکھ چکے ہیں۔

اس ہائی وولٹیج میچ کے لیے دونوں ٹیمیں آج احمد آباد کے نریندر مودی کرکٹ اسٹیڈیم میں ٹکرائیں گی۔