پاکستان ڈرامہ انڈسٹری کی باصلاحیت اداکارہ فرح نادر نے اپنی مہلک بیماری کے بارے میں دل دہلا دینے والے انکشفات کیے۔

اداکارہ نے اپنی صاحبزادی کے ساتھ ایک مارننگ شو میں شرکت کی اور خود کو لاحق ہونے والے گردے کے تیسرے درجے کے کینسر اوراس دوران پیش آنے والے مسائل کے بارے میں گفتگو کی۔

اداکارہ نے انکشاف کیا کہ، ’میرے بچوں نے مجھے بتایا کہ مجھےگردے کے کینسرکی تشخیص ہوئی ہے‘۔

اداکارہ کی صاحبزادی نے مزید بتاتے ہوئے کہا کہ ’ہم نے جب ماما کا سٹی اسکین کروایا تو ہمیں اس بارے میں معلوم ہوا‘۔

مزید پڑھیں:

کبریٰ خان کیخلاف سوشل میڈیا پر موجود مواد ہٹادیا گیا

یہ شادی کب ختم ہوگی؟ ماہرہ خان کی نئی تصاویر وائرل

مردوں کو نہ رونے کا مشورہ دینے والے خلیل الرحمان خود بھی رو چکے ہیں

اداکارہ کے مطابق ان کے بچوں نے بہادری کا مظاہرہ کرتے ہوئے بھرپور ساتھ دیا تھا۔

فرح نادرنے مزید بتایا کہ چونکہ ان کے چھوٹے بیٹے لاہور کرکٹ مقابلے کیلئے جارہے تھے، اس لیے انہوں نے بیٹے سے بیماری پوشیدہ رکھی تھی۔

اداکارہ کی صاحبزادی نے بتایا کہ ’آٹھ گھنٹوں پر مشتمل اس سرجری نے ہمارے دل دہلا دیے تھے، ہر گھنٹہ سالوں کے برابر لگ رہا تھا، اندرہی اندر ڈر بھی تھا کہ پتہ نہیں کیا ہونے والا ہے‘۔

واضح رہے کہ اداکارہ فرح نادر پاکستان ڈرامہ انڈسٹری کی مشہور اداکارہ ہیں، انہوں نے اب تک کئی ڈراموں میں مختلف کردار ادا کیے ہیں۔