پشاور بی آر ٹی بسوں کے شیشوں کو توڑنا منچلوں کا کھیل بن گیا، چند ماہ میں 100 سے زائد شیشے توڑ ڈالے لیکن کیمروں کی عدم موجودگی ملزمان کی شناخت میں رکاوٹ بن گئی۔

بی آر ٹی انتظامیہ کے مطابق گزشتہ کئی مہینوں میں 100 سے زائد بسوں کے شیشوں کو توڑ دیا گیا ہے،جس میں اکثر بچے ملوث ہوتے ہیں۔

ملزمان کی عدم گرفتاری میں شناخت سمیت کئی مسائل شامل ہیں۔

شہری بھی بی آر ٹی بسوں پر پتھراؤ پر نالاں ہیں، ان کا کہنا ہے کہ بی آر ٹی ہماری ہیں اور شیشے توڑنے سے قوم کا ہی نقصان ہورہا ہے۔

بی آرٹی انتظامیہ کا مؤقف ہے کہ آئندہ نقصان پہنچانے والوں کے خلاف سرکاری املاک کو نقصان پہنچانے کا مقدمہ بھی درج کیا جائے گا۔