کراچی میں پیپلز پارٹی کی سابقہ ایم پی اے سعدیہ جاوید کے گھر چوری ہوگئی، واقعہ کا مقدمہ درج کرلیا گیا جس کے مطابق واردات میں 85 لاکھ کا سونا اور 5 لاکھ روپےچوری ہوئے بطور ملزمہ گھریلو ملازمہ کو نامزد کیا گیا ہے۔

کراچی میں چوری کی واردات سعدیہ جاوید کے ڈی ایچ اے فیز 6 میں واقع گھر میں ہوئی۔

مدعی مقدمے کے مطابق 20 ستمبر کو فاطمہ نامی خاتون کو ملازمت پر رکھا تھا، ملازمہ اکثر اپنی بہن اور ماں کو بھی ساتھ لے آتی تھی۔

مقدمے کے مطابق 6 اکتوبر کو ملازمہ اپنی بہن کے ساتھ کام کرنے آئی اور سوا تین بجے واپس چلی گئی، 7 اکتوبر کو سعدیہ جاوید کے گھر واردات ہوگئی۔ واردات میں 85 لاکھ کا سونا اور 5 لاکھ روپے چوری ہوئے۔