شمالی وزیرستان کے علاقے رزمک میں سکیورٹی اہلکاروں اور دہشت گردوں کے درمیان جھڑپ ہوئی، شدید فائرنگ کے تبادلے میں دہشت گرد عظیم اللہ عرف غازی مارا گیا۔

آئی ایس پی آر کے مطابق سکیورٹی اہلکاروں اور دہشت گردوں کے درمیان رزمک میں ہونے والی جھڑپ میں شدید فائرنگ کے تبادلے میں دہشت گرد عظیم اللہ عرف غازی مارا گیا۔

آئی ایس پی آر کا کہنا ہے کہ ہلاک دہشت گرد سے اسلحہ اور دھماکا خیز مواد بھی برآمد ہوا۔

دہشت گرد عظیم اللہ عرف غازی سکیورٹی فورسز کے خلاف دہشت گردی کی کارروائیوں اور بے گناہ شہریوں کے قتل میں ملوث تھا۔

اس حوالے سے آئی ایس پی آر نے مزید کہا کہ علاقے میں ممکنہ طور پر موجود دیگر دہشت گردوں کے خاتمے کے لئے کلیئرنس آپریشن بھی کیا گیا، اہل علاقہ نے آپریشن کو سراہا۔