امریکی تجزیہ کارمائیکل کوگل مین نے کہا کہ مشرق وسطی میں نئے بحران سے پاکستان کو فائدہ ہوگا۔

سوشل میڈیا پلیٹ فارم ایکس پرمائیکل کوگل مین نے لکھا کہ مشرق وسطیٰ میں نئے بحران کی وجہ سے اسرائیل اور سعودی عرب کے درمیان تعلقات بحالی کا معاملہ التوا کا شکار ہو جائے گا۔

انہوں نے نے کہا کہ اس سے بالواسطہ طور پر پاکستان کو فائدہ ہوگا کیونکہ اگر سعودی عرب تعلقات بحال کرتا ہے، تو پاکستان کو بھی دباؤ کا سامنا کرنا پڑتا۔

امریکی تجزیہ کار نے کہا کہ لیکن پاکستان کا ایسا کرنے کا کوئی ارادہ نہیں ہے کیونکہ ان کا مطالبہ ہے کہ پہلے ایک فلسطینی ریاست ہونی چاہیے۔

واضح رہے کہ ہفتے کے روز فلسطینی تنظیم حماس کی جانب سے یہودی بستیوں اور اسرائیل میں راکٹوں اور زمینی دستوں کے ذریعے ایک بڑا حملہ کیا گیا ہے۔