سابق پی ٹی آئی رہنما عثمان ڈار کے سیاست اور پی ٹی آئی چھوڑنے کے اعلان کے بعد ان کی والدہ کا بھی بیان سامنے آگیا ہے۔

عثمان ڈار کی والدہ اپنے بیان میں کہنا ہے کہ خواجہ آصف میری بات غور سے سن لیں، جو آپ چاہتے تھے وہ عثمان ڈار کو گن پوائنٹ پر رکھ کر حاصل کرلیا۔

ان کی والدہ نے کہا کہ سیاست عثمان ڈار نے چھوڑی ہےاس کی والدہ نے نہیں، اب تمہارا مقابلہ میں کروں گی۔ میرا چینلج ہے، میدان میں آؤ، دیکھنا تمہارے شیر کا میں کیا حشرکرتی ہوں۔

والدہ عثمان ڈار نے کہا کہ میں چیئرمین پی ٹی آئی کے ساتھ ڈٹ کر کھڑی ہوں، میدان میں آؤ اور میرا مقابلہ کرو۔

دوسری جانب پی ٹی آئی نے بھی عثمان ڈار کے انٹرویو پر ردعمل جاری کیا ہے۔