ایران کے علما مذہبی تعلیمات کی تشہیر میں مدد کے لیے مصنوعی ذہانت کو اپنا رہے ہیں۔ حکام سمجھتے ہیں کہ جدید ٹیکنالوجی انہیں اسلامی تعلیمات کو تیزی سے پھیلانے میں مدد دے سکتی ہے۔

فنانشل ٹائمز کی رپورٹ کے مطابق یہ اقدام مقدس شہر قم کی طرف سے کیا گیا ہے، جو اسلامی تعلیم اور زیارت کا مرکز ہے۔

مصنوعی ذہانت کے مثبت استعمال کیلئے ایرانی قیادت کی حمایت حاصل ہے۔

میڈیا رپوٹ کے مطابق ملک کے سپریم لیڈر آیت اللہ علی خامنہ ای نے اب علماء پر زور دیا ہے کہ وہ اس ٹیکنالوجی کو تلاش کریں۔

میڈیا رپورٹس کے مطابق چند ماہ قبل تک ایرانی سپریم لیڈر مصنوعی ذہانت کے استعمال کے مخالف تھے۔ اپریل میں، کسی غیر انسانی وجود کے خلاف پہلی بار، خامنہ ای نے مصنوعی ذہانت کے خلاف ایک فتویٰ جاری کیا تھا۔

دوسری طرف قم کے حوزہ علمیہ کے سربراہ نے ”اسلامی تہذیب کو فروغ دینے“ کے لئے مصنوعی ذہانت کے استعمال کا خیر مقدم کیا ہے۔

قم میں اشراغ تخلیقی اور جدت طرازی ہاؤس کے سربراہ محمد غوطبی نے کہا، “روبوٹ سینئر علماء کی جگہ نہیں لے سکتے، لیکن وہ ایک قابل اعتماد معاون ہو سکتے ہیں جو انہیں 50 دن کے بجائے پانچ گھنٹے میں فتویٰ جاری کرنے میں مدد دے سکتے ہیں۔

”آج کا معاشرہ تیز رفتاری اور ترقی کا حامی ہے،“ انہوں نے مزید کہا کہ مذہبی قیادت کو عالمی تکنیکی ترقی میں حصہ لینے کے لئے ایرانیوں کی خواہش کی مخالفت نہیں کرنی چاہئے۔