جعلی رسیدیں کیس کی سماعت میں پیشی کے سابق خاتون اول بشریٰ بی بی لاہور سے اسلام آباد کے روانہ ہوگئی ہیں، جب کہ احتساب عدالت نے بشریٰ بی بی کی ضمانت میں 12 اکتوبرتک توسیع کر دی ہے۔

اسلام آباد کی احتساب عدالت میں عمران خان کی اہلیہ بشریٰ بی بی کے خلاف 190 ملین پاؤنڈ اسکینڈل کیس کی سماعت ہوئی۔

بشریٰ بی بی کے وکیل لطیف کھوسہ عدالت میں استدعا کرتے ہوئے مؤقف پیش کیا کہ نیب نے بشریٰ بی بی کی گرفتاری فل الحال مطلوب نہ ہونے کا بیان دیا، ہمیں لفظ فی الحال پراعتراض ہے۔

لطیف کھوسہ نے کہا کہ نیب کا ارادہ تبدیل ہونے پرعدالت کے ذریعے آگاہ کیا جائے کیونکہ حفاظتی ضمانت بنیادی حق ہے۔

نیب پراسیکیوٹر نے وکیل کے بیان پر مخالفت کرتے ہوئے کہا مؤقف اختیار کیا کہ کوئی قانون نہیں کہ کسی ملزم کو گرفتاری سے قبل آگاہ کیا جائے۔

نیب پراسیکیوٹر نے کہا کہ بشریٰ بی بی کوتوشہ خانہ کے زیورات پیش کرنے کا کہا گیا ہے یہ تفتیش میں تعاون کریں۔

عدالت نے دلائل مکمل ہونے پر سابق خاتون اول بشریٰ بی بی کی ضمانت میں 12 اکتوبر تک توسیع کردی۔

اس سے قبل اسلام آباد کی ڈسٹرکٹ اینڈ سیشن کورٹ میں جعلی رسیدیں کیس کی سماعت ہوئی، جج طاہرعباس سپرا نے کیس کی سماعت کی۔

پی ٹی آئی کے وکیل نے بشریٰ بی بی کی ضمانت پر دلائل کا وقت مقررکرنے کی استدعا کی، اور مؤقف پیش کیا کہ بشریٰ بی بی لاہورسے اسلام آباد کیلئے روانہ ہیں۔

عدالت نے بشریٰ بی بی کیخلاف کیس کی سماعت میں وقفہ کردیا۔

جعلی رسید کیس میں بشریٰ بی بی کیخلاف تھانہ کوہسار میں مقدمہ درج کیا گیا تھا۔

دوسری جانب احتساب عدالت میں بشریٰ بی بی کے خلاف توشہ خانہ کیس کی سماعت کچھ دیر بعد ہوگی۔

بشریٰ بی بی کے وکلاء احتساب عدالت پہنچ گئے ہیں، بشریٰ بی بی کے پہنچنے پر احتساب عدالت میں سماعت کا آغاز ہوگا۔

احتساب عدالت کے باہر اسلام آباد پولیس کی سخت سیکیورٹی تعینات کردی گئی ہے۔