ناشتئے میں یہ غذائیں کھانا وزن اور دیگر مسائل میں اضافے کا باعث ہیں

دن بھر جسم کو تروتازہ رکھنے کے لیے صحتمند ناشتہ دن کی سب سے اہم غذا

ویب ڈیسک

شائع 26 ستمبر 2023 10:16am

لائف اسٹائل

کہا جاتا ہے کہ صبح کا آغاز اگر صحت مند ناشتے سے نہ ہو تو یہ پورے دن پر اثر انداز ہوتا ہے، اسی لیے ماہرین صبح کے ناشتے پر کافی زور دیتے ہیں۔

ماہرین کا کہنا ہے کہ دن بھر جسم کو تروتازہ رکھنے کے لیے ناشتہ دن کی سب سے اہم غذا ہے۔

جہاں اکثریت وقت میں کمی یا موڈ نہ ہونے کے باعث صبح کا ناشتہ ترک کرتی ہے تو وہیں ایسے افراد بھی ہیں جو ناشتہ تو کرتے ہیں، لیکن وہ ناشتہ غذائیت سے بھرپور نہیں ہوتا۔

متوازن اور بھرپور ناشتہ نہ کرنے والے افراد دن بھر سستی اور پریشانی کا شکار رہتے ہیں۔

بسکٹ

بسکٹ یا بیکری آئٹمز جیسے کوکیز اور پیسٹری کوناشتے میں لینا ہماری صحت کیلئے ایک طرح سے بلکل مفید نہیں ہیں، کیونکہ ان میں موجود فیٹس، پروسیسڈ اجزاء اور چینی کی اضافی مقداروزن میں اضافے کا باعث بنتی ہے۔

میٹھے کھانے

صبح میٹھا کھانا دانتوں کیلئے کافی نقصان دہ ہے۔ اکثریت صبح چائے کے ساتھ کوکیز اور کیکس لیتی ہے۔

لیکن جب زیادہ مقدار میں میٹھا لیا جاتا ہے تویہ شوگر اور وزن میں اضافے کا سبب بنتی ہیں۔

پراٹھے

شاید ہی کوئی ہو جو ناشتے میں گرما گرم پراٹھے کا شوقین نہ ہے، لوگوں کی ایک بڑی تعداد آج بھی پراٹھوں سے بھرپور ناشتہ کرنا پسند کرتی ہے۔

اگرچہ براؤن آٹے سے بنا پراٹھا آپ کیلئے مفید ہوسکتا ہے، لیکن میدے سے بنے پراٹھے مکھن اور اچار کی وافر مقدار کے ساتھ کھانا کسی صورت فائدہ مند نہیں ہے۔

پروسیسڈ فوڈز

ماہرین کے مطابق بیکری کے چپس، تلی ہوئی اسنیکس اور چکنائی والے فاسٹ فوڈ جیسی غذاؤں کا مسلسل استعمال وزن میں اضافے کا باعث بن سکتا ہے، کیونکہ ان میں کیلوریز کی ایک بڑی مقدار موجود ہوتی ہے۔

ناشتے میں پھلوں، سبزیوں، دہی، یا بادام جیسے صحت مند میلز آپ کو اپنے دن کا آغاز ایک بہترین انداز میں کرنے میں مدد دے سکتے ہیں۔