سندھ کے نگراں وزیر صحت ڈاکٹر سعد خالد نیاز نےعرصہ دراز سے تعطل کا شکار اسکیموں کی تکمیل نہ ہونے پر حیرانی کا اظہار کرتے ہوئے کہا ہے کہ جو اسکیمیں عرصہ دراز سے زیر التواء ہیں ان پر مزید رقم خرچ نہ کی جائے۔

نگراں وزیر صحت ڈاکٹر سعد خالد نیاز کی زیرصدارت محکمہ صحت ڈویلپمنٹ کراچی کا اجلاس ہوا۔

اہم بیٹھک میں سیکریٹری صحت ڈاکٹر منصور عباس رضوی، اسپیشل سیکریٹری ڈاکٹر بدر الدین شیخ، ابراہیم میمن، ڈائریکٹر ہیلتھ سروسز کراچی ڈاکٹر عبدالحمید میمن اور دیگر بھی موجود تھے۔

یہ بھی پڑھیں :

کراچی: لیاری جنرل اسپتال میں ادویات کی فراہمی یقینی بنانے کی ہدایت

سندھ : ایک روز میں 3 ہزار 700 سے زائد ملیریا کیسز رپورٹ

پنجاب میں آشوب چشم کے پھیلاؤ پر محکمہ صحت کی گائیڈ لائنز جاری

نگراں وزیر صحت نےعرصہ دراز سے بار بار دہرائی جانے والی اسکیموں کے تاحال مکمل نہ ہونے پر ناراضگی کا اظہار کیا اور ہدایت کی کہ ایک اسکیم کو بار بار دہرا کر رقم ضائع کرنا حماقت ہوگی، ایسی اسکیموں پر رقم ضائع نہ کی جائے۔