نگران وزیرتوانائی محمد علی کا کہنا ہے کہ 24 گھنٹے گیس سپلائی کرنا ناممکن ہے، سردیوں میں گیس کی لوڈشیڈنگ ہوگی۔

نگران وزیر توانائی محمد علی کا کہنا ہے کہ پچھلے سال پاکستان میں گیس کی سپلائی 20 فیصد کم ہوئی، ایل این جی کے زیادہ کارگومنگوانےکی کوشش کررہےہیں لیکن اس کی قیمتیں بہت زیادہ ہیں۔

نگران وزیرتوانائی نے بتایا کہ سردیوں میں گیس کی لوڈشیڈنگ ہوگی، 24 گھنٹے گیس سپلائی کرنا ناممکن ہے، گیس کو بلاضرورت استعمال نہ کیا جائے۔

نگراں وزیر کا کہنا تھا کہ ڈالر کا ریٹ زیادہ ہے اس لیے مہنگائی ہو رہی ہے، ملک میں ٹیکس کلچر نہیں ہے، اس لیے بجلی اور گیس کے بلوں میں ٹیکس لگتے ہیں۔

محمدعلی کا کہنا تھا کہ پورے پاکستان میں بجلی چوری کی جاری ہے، 10 دنوں میں بجلی چوری سے 6 ارب روپے کی ریکوری ہوئی ہے۔