ٹیچر کے مبینہ دھکا دینے سے چوتھی کلاس کی طالبہ کا بازو ٹوٹ گیا، بچی کے والدین نے پولیس کو درخواست دے دی۔

خان پور میں استاد نے مبینہ طور پر چوتھی کلاس کی بچی کو دھکا دے کر اس کا بازو توڑ دیا، متاثرہ بچی کے والدین نے پولیس کو درخواست دے دی ہے۔

بچی کے والدین نے اپنے بیان میں کہا ہے کہ اسکول کا استاد بچوں سے کلاسز کی صفائیاں کرواتا ہے میری بچی نے ٹھیک سے صفائی نہیں کی، تو ٹیچر نے اسے مارا، جس سے اس کا بازو ٹوٹ گیا۔