حافظ آباد میں بھٹہ مالکان نے مسلح افراد کے ہمراہ انسداد اسموگ ٹیم پر حملہ کردیا۔

مسلح افراد کے تشدد سے اسسٹنٹ ڈائریکٹر ماحولیات اور ملازمین زخمی ہوگئے، جبکہ بھٹہ مالکان نے ٹیم کی سرکاری گاڑی کے شیشے بھی توڑ دیے۔

اسسٹنٹ ڈائریکٹرماحولیات نے کہا کہ ملزمان کے بھٹے سے خطرناک دھواں نکل رہا تھا، جس پر چند روز قبل سیل کرکے مالکان پرجرمانہ کیا تھا۔

واضح رہے کہ پولیس نے بھٹہ مالکان سمیت 9 افراد کے خلاف دو مقدمات درج کر لیے ہیں۔