نگراں وزیراعظم انوار الحق کاکڑ کا کہنا ہے کہ پاکستان میں 6000 ارب ڈالر سے زائد مالیت کے معدنی ذخائر موجود ہیں۔

نیو یارک میں انوارالحق کاکڑ نے ریو ٹنٹو گروپ کے چیف ایگزیکٹو آفیسر (سی ای او) سے ملاقات کی جس میں پاکستان میں کان کنی کے شعبے میں سرمایہ کاری کے مواقع پر تبادلہ خیال کیا گیا۔

نگراں وزیراعظم نے ریو ٹنٹو گروپ کو معدنیات اور کان کنی شعبے میں سرمایہ کاری کی دعوت دیتے ہوئے انوار الحق کاکڑ نے کہا کہ پاکستان میں 6 ارب ڈالر سے زائد مالیت کے معدنی ذخائر ہیں۔

ریو ٹنٹو گروپ کے سی ای او نے نگراں وزیراعظم کی جانب سے دی گئی سرمایہ کاری کی دعوت پر شکریہ ادا کیا۔

دوسری جانب نگراں وزیر خارجہ جلیل عباسی جیلانی نے روسی ہم منصب سے ملاقات کی جس میں دوطرفہ تعلقات اور باہمی دلچسپی امور پر گفتگو کی گئی۔