اسٹیٹ بینک آف پاکستان نے مجوزہ ڈیجیٹل ریٹیل بینکوں کے قیام کی اصولی منظوری دے دی۔

گورنر اسٹیٹ بینک جمیل احمد نے خصوصی تقریب میں پانچ ڈیجیٹل بینکوں کے قیام کی منظوری دی، جن میں ہیوگو بینک لمیٹڈ، کے ٹی بینک پاکستان لمیٹڈ، مشرق بینک پاکستان لمیٹڈ، رقمی اسلامک ڈیجیٹل بینک لمیٹڈ اور ٹیلی نار مائیکرو فنانس بینک لمیٹڈ شامل ہیں۔

ان اداروں کا انتخاب مختلف معیارات کی بنیاد پر ایک جامع اور سخت جائزے کے بعد کیا گیا۔

گورنراسٹیٹ بینک جمیل احمد کا کہنا ہے کہ پاکستان میں ڈیجیٹل بینکاری کے روشن مستقبل کے لیے اسٹیک ہولڈرز سے تعاون کے لیے کوشاں ہیں۔

مجوزہ ڈیجیٹل ریٹیل بینکوں کے اسپانسرز نے اسٹیٹ بینک کے تاریخی اقدام کا خیر مقدم کیا۔