پاکستان پیپلز پارٹی کے رہنما خورشید شاہ کا کہنا ہے کہ الیکشن سے متعلق مختلف باتیں ہو رہی ہیں، میں کہتا ہوں الیکشن جلد ہوں گے، شاید دسمبر میں الیکشن میں ہوں۔

اسلام آباد میں میڈیا سے گفتگو کلرتے ہوئے خورشید شاہ نے کہا کہ ہماری جنگ پارلیمنٹ کی بالادستی کیلئے جاری ہے، الیکشن کا ماحول بن چکا ہے، الیکشن ہر صورت میں ہوگا۔

مزید پڑھیں: عام انتخابات کیلئے مجوزہ ضابطہ اخلاق جاری

انہوں نے کہا کہ الیکشن جنوری، فروی یا اس سے بھی پہلے ہوسکتے ہیں۔

ان کا کہنا تھا کہ ماحول بہت اچھا ہے اورایک ادارے میں بڑی تبدیلی آئی ہے، پاکستان میں الیکشن نہ کرانے کا ایک رواج رہا ہے، 40 سال اس ملک میں آمریت رہی، پارلیمنٹ کی بالادستی تب ہی ہے جب ادارے اس کے ماتحت رہیں۔