سپریم کورٹ نے خصوصی عدالتوں میں سویلینز کے ٹرائل کے خلاف درخواست اعتراضات کے ساتھ واپس کردی، اور کہا کہ درخواست گزار نے کسی متعلقہ فورم سے رجوع نہیں کیا۔

وکیل انعام الرحیم نے پی ٹی آئی دور میں خصوصی عدالتوں میں سویلینز کے ٹرائلز کالعدم قرار دینے کی درخواست سپریم کورٹ میں دائر کی تھی۔ تاہم سپریم کورٹ نے درخواست اعتراضات کے ساتھ واپس کردی ہے۔

اعتراضات میں کہا گیا ہے کہ درخواست گزار کیس عوامی اہمیت کا ہونے کا نکتہ اجاگر نہیں کرسکے، براہ راست سپریم کورٹ سے رجوع کرنے کی وجوہات نہیں بتائی گئیں، درخواست گزار نے کسی متعلقہ فورم سے رجوع نہیں کیا۔